(lifaupress.com) : Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Major Jenerál Calisto Santos “Coliati” hamutuk ho delegasaun, distribui material eskola ba Estudante sira iha EBF 1 e 2 CICLO Giçu, Postu Administrativo Maubara, Munisípiu Likisa.
Prezensa Vise Xefe Estadu Maior Jenerál FALINTIL-Forsa Defeza Timor-Leste (F-FDTL) Major Jenerál Calisto Santos “Coliati”, simu husi jestor eskola no estudante sira, ho tradisaun timor nian.
Vizita nee, atu observa direta Eskola sira iha area remotas, hodi hato’o liafuan ruma kona-ba Forsas Armadas ba estudantes sira. Liuliu EBF Giçu, tinan hirakliu ba konstrui husi Forsas Armadas.
Alemde entrega material eskola, Major Jenerál Calisto Santos “Coliati” mos halo dialogu ho porfesor no estudante sira. “ Ami la ko’alia kona – bá istória, tamba istória la’os buat fasil ida, istória ba Estadu ba Nasaun ida,” Major “Coliati” hateten.
Nia mos senti kontete tebesno apresiza ho resepsaun simu bainaka ho furak tebes, tanba hatudu tradisaun no kultura.
Nia hatutan Iha ne’e ami nia ekipa la lori buat bo’ot ruma atu hato’o bai ta bo’ot sira, hanesan ohin ita nia diretór eskola hato’o,
Iha fatin hanesan, Xefe Divizaun Kooperasaun Civil Militár, Tenente Koronel Valerio Valente hateten, vizita ne’e planeadu tiha ona desde fulan Janeiru 2024.
Vizita dahuluk, hahu kedas iha fronteira to’o Manufahi, no sei kontinua ba setor Leste, hodi fo apoiu sosial,liuhusi fo sasan ba eskola no estudante sira-nia nesesidade. Alemde ne’e, konta istoria uitoan ba estudantes sira, atu hatene no komprende kona – bá istória.
Enytretantu, Koordenadór Eskola Baziku Filial Giçu, Francisco dos Santos, agradese ba Vise Xefe Estadu Maior Jenerál F-FDTL, Major Jenerál Calisto Santos “Coliati” ho delegasaun, tamba bele hi’it a’an mai to’oeskola ne’ebe iha Professores kuadru permanente na’in 6.
Akompanha mos iha vijita Vise Xefe Estadu Maior Jenerál F-FDTL Major Jenerál Calisto Santos “Coliati” ne’e mak Komandante Segundo Batallaun Sul, Major Helio Filipe Dias Quintas, Ofisial Operasaun, Ofisial CENOP, Ofisial Lojistika, no hetan apoiu seguransa husi Polisia Nasionál Timor-Leste (PNTL). (Media F-FDTL)
